អុញនុះ!! ផលិតកម្ម ថោន ហៅលោក ខេម ​មកដោះស្រាយរឿងទៅច្រៀងនៅផលិតកម្មផ្សេង ទាំងជាប់កិច្ចសន្យានៅឡើយ ​

25-សីហា-2020 - ម៉ោង 07:07:AM

ភ្នំពេញ៖ ផលិតកម្ម ទីក្រុងភាពយន្ត (ថោន) ខែសីហានេះ បានចេញសេចក្តីជូនដំណឹងមួយដើម្បីអញ្ជើញតារាចម្រៀងល្បីឈ្មោះ លោក ប៉ុន សុខណារិន ហៅ ខេម មកដោះស្រាយ និងបកស្រាយរឿងកិច្ចសន្យាជាមួយផលិតកម្ម ដោយនៅក្នុងលិខិតនេះបានបញ្ជាក់ថា បានឃើញលោក ខេម ចេញទៅច្រៀងនៅផលិតផ្សេងដោយខ្លួនកំពុងជាប់កិច្ចសន្យាជាមួយ Town នៅឡើយ។

ក្នុងនោះ ផលិតកម្ម ថោន បានតម្រូវឲ្យលោក ខេម មកដោះស្រាយជាមួយផលិតកម្មនៅថ្ងៃទី២៥ ខែសីហា ឆ្នាំ២០២០។ នៅក្នុងសេចក្តីជូនដំណឹងបានបញ្ជាក់ថា កិច្ចសន្យាការងាររវាងផលិតកម្ម ថោន ជាមួយនឹងលោក ខេម នឹងចប់នៅចុងខែធ្នូ ឆ្នាំ២០២០។

គួរបញ្ជាក់ថា តារាចម្រៀង ខេម ដែលឈរជើងមិនតិចជាង ១០ឆ្នាំ នៅផលិតកម្មថោន បានទៅធ្វើជាតារាចម្រៀងនៅផលិតកម្ម Galaxy Navatra ដោយលោកក៏បានបញ្ចេញបទចម្រៀងជាច្រើនបទនៅក្នុងផលិតកម្មថ្មីនោះផងដែរ៕