13-សីហា-2020 - ម៉ោង 09:31:AM
តាកែវ ៖ ដោយមានការណែនាំពី លោក ម៉ឹង ពន្លក ប្រធានចលនាយុវជនកម្ពុជាក្រុម១៥៧ និងដោមានការចង្អុលបង្ហាញបន្ថែមពី លោក កែវ វ៉ាន្នី ប្រធានចលនាយុវជនកម្ពុជាក្រុម ១៥៧ សាខាខេត្តតាកែវ បានណែនាំឲ្យលោក អេង ប៉ជាក អនុប្រធានចលនាយុវជនកម្ពុជាក្រុម ១៥៧ សាខាខេត្ត នៅរសៀលថ្ងៃ ពុធ ៨រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវថ្ងៃទី ១២ ខែសីហា ឆ្នាំ ២០២០ បានដឹកនាំក្រុមការងារចុះសួរ សុខទុក្ខ និងនាំយកអំណោយជាគ្រឿងឧបភោគ បរិភោគ និងថវិកាមួយចំនួន ជូនដល់គ្រួសារ លោកយាយចាស់ជរាក្រីក្រចំនួន០២ គ្រួសារភូមិ កំសី និងគ្រួសារប្អូនស្រីដែលមានជំងឺរាំរ៉ៃប្រចាំកាយ១នាក់ នៅ ភូមិសូទៃ ឃុំញ៉ែងញ៉ង ស្រុកត្រាំកក់ ខេត្តតាកែវ ។
ក្នុងឱកាសនោះ លោក អេង ប៉ជាក អនុប្រធានចលនាយុវជនកម្ពុជាក្រុម ១៥៧សាខាខេត្តតាកែវ ក៏បានពាំនាំនៅក្តីនឹករលឹក សាកសួរសុខទុក្ខពីចំងាយពីសំណាក់ លោក ម៉ឹង ពន្លក ប្រធានចលនាយុវជនកម្ពុជាក្រុម១៥៧ និងលោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្តតាកែវ មកជម្រាបជូនបងប្អូនទាំង ០៣គ្រួសារផងដែរ ។
ចុងក្រោយ លោកអនុប្រធានចលនាយុវជនកម្ពុជាក្រុម ១៥៧សាខាខេត្តតាកែវ អេង ប៉ជាក ក៏បានផ្តាំផ្ញើរដល់លោកយាយ និងប្អូនស្រីដែលមានជំងឺ បានទទួល អំណោយថ្ងៃនេះ ទោះបីអំណោយថ្ងៃនេះ មិនច្រើនក៏ពិតមែន តែវាអាចជួយសម្រួលដល់ការលំបាកដល់លោកយាយ ដ៏ដូចជាប្អូនស្រីបានមួយរយៈដែរ។ និងសូមឲ្យលោកយាយ ក៏ដូចជាបងប្អូនក្នុងភូមិឃុំញ៉ែងញ៉ងទាំងអស់នៅតែបន្តអនុវត្តនៅសេចក្តីណែនាំរបស់ក្រសួងសុខាភិបាល ឲ្យបានខ្លាំងខ្លាបន្ថែមទៀត ដោយទម្លាប់ធ្វើអនាម័យ ឲ្យបានស្អាតជាប្រចាំ ពិសេសនោះ ត្រូវលាងដៃជាមួយសាប៊ូឲ្យបានញឹកញាប់ ស្អាតជានិច្ច ដើម្បីជាការចូលរួមទប់ស្កាត់កុំអោយមានការឆ្លងរីករាលដាលនៃជំងឺកូវិដ១៩ នៅក្នុងសហគមន៍យើងឲ្យសោះ ។
គ្រួសារដែលទទួលអំណោយមាន ៖
១- គ្រួសារលោកយាយ ច័ន្ទ ត្រិច អាយុ ៩៥ ឆ្នាំ ជរាដើរមិនរួចនៅម្នាក់ឯង ។
២- គ្រួសារ អ្នកមីង ជុន ង៉ូយ អាយុ ៥៧ ឆ្នាំ ក្រីក្រខ្វះខាតខ្លាំង រស់នៅម្នាក់ឯង ។
៣- គ្រួសារ ប្អូនស្រី ប៉ែន ចិន្តា អាយុជាង ៣០ ឆ្នាំ មានជំងឺ ឈាមសរ ស៊ីឈាមក្រហម ដោយមានស្ថានភាពជំងឺធ្ងន់ធ្ងរខ្លាំង ត្រូវលាងឈាមប្តូររាល់ខែផងដែរ ។
អំណោយដែលត្រូវបានចែកជូនដល់គ្រួសារក្រីក្រទាំងពីរគ្រួសារ ដោយក្នុងមួយគ្រួសារៗ ទទួលបាន អង្ក៥០ គីឡូក្រាម ទឹកត្រី ០១យួ ទឹកស៊ីអ៊ីវ០១យួ ត្រីខ១យួរ ប៊ីចេង០១កញ្ចប់ ខ្ទឹមសរ ១គីឡូ ស្ករស ទឹកសុទ្ធ ០១កេស ទឹកក្រូច ១កេស អំបិល ០១គីឡូ មី០១កេស រួមជានឹងថវិកាក្នុង១គ្រួសារៗ ១០០.០០០ ម៉ឺនរៀលផងដែរ ៕
